भांगरभूंय | प्रतिनिधी
नुस्तें रुचीक आसतातच तशेंच तातूंत जायते पोशक तत्वांय आसतात. आमचे कुडीक जाय आशिल्ले पोशक तत्वां नुस्त्यांत मेळटात. देखून नुस्त्याचें सेवन केल्यार जायत्या दुयेंसांचो धोको उणो जाता. सी फुडांत ओमेगा-3 फॅटी अॅसिड सारके गूणधर्म आसतात. ह्या गुणधर्माक लागून कॅन्सर, काळजाचे दुयेंस सारकिल्ले दुयेंस पयस करूं येतात.
मेंदवाचे भलायके खातीर
नुस्त्यांतलें ओमेगा 3 फॅटी अॅसिड मेंदवाचे भलायके खातीर खूब फायदेशीर आसतात. सप्तकांतल्यान दोन फावटीं वा चड फावटीं नुस्तें खावपी लोकांक मेंदवा संबंदीत दुयेंस जावपाचो धोको उणो आसता. ओमेगा-3 पॉलीअनसॅचुरेटेड फॅटी अॅसिड सेरेब्रोव्हस्कुलर रगतपेशींचे भलायकेखातीर खूब फायदेशीर आसतात. नुस्तें खाल्यार मेंदवाचो आघात जावपाचो धोको उणो जाता.
मूड फ्रेश दवरता
उदासीनतायेक लागून मूड इबाडप, चिडचिडेपण, ताण येता. सप्तकांतल्यान एक फावट नुस्तें खाल्यार उदासीनताय पयस करप सोंपें जाता. कारण नुस्त्यांतले ओमेगा-3 फॅटी अॅसिड मेंदवांतलो दाह उणो करपाक मजत करता. जे उदासीनतायेकडेन संबंदीत आसता.
दोळ्यांचे भलायके खातीर
नुस्त्यांतलें ओमेगा 3 फॅटी अॅसिड दोळ्यांचे दुयेंस आडावपाक मजत करता. नुस्त्यांत हो आल्मा चड प्रमाणांत आसता जो दोळ्यांची नदर आनी भलायके खातीर फायदेशीर आसता.
हाडांचे भलायके खातीर फायद्याचे
नुस्तें कॅल्शियम आनी व्हिटॅमिन डी हांचो उत्कृश्ट स्त्रोत. हाडां आनी दांतांचे भलायके खातीर खूब फायदेशीर आसा. देखूनच सप्तकांतल्यान दोन फावटीं तरी नुस्तें खावंक जाय.
कॅन्सराचो धोको
नेमान नुस्तें खाल्यार कॅन्सराचो धोको उणो जाता. prostate आनी colorectal कॅन्सराचो धोको उणो जाता अशें संशोधनांतल्यान दिसून आयलां.
न्हिदे खातीर फायद्याचे
नुस्त्यांत डी जीवनसत्व खूब आसता. ताचे नेमान सेवन केल्ल्यार न्हीद येवपाची समस्या नियंत्रीत जाता. हाका लागून न्हीदय बरी येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
