भांगरभूंय | प्रतिनिधी
भांगरभूंय । प्रतिनिधी
कुमारजुवेंः भुरग्यांच्या व्यक्तिमत्व उदरगती खातीर संस्कार हो एकूच पर्याय आसा. तांकां व्यक्त जावपा खातीर, समाजांत कशें वावुरप हें कळपा खातीर हिंदू संस्काराची गरज आसा. सुसंस्कारीत पिळगी तयार जावपा खातीर संस्कार शिबिरांची सामकी गरज आसा. उपकरणा आनी तंत्रगिन्यानान संस्कार मेळनात अशें स्वामी ब्रम्हानंद संस्कृत म्हाविद्यालयाचे प्राचार्य ज्ञानेश्वर पाटील हांणी सांगलें.
कुमाजुवेंची ब्रम्हानंद संस्कृत पाठशाळा आनी आखाडा संत समाज हांच्या जोड पालवान खडपवाडो- कुमारजुवें हांगच्या श्री गणपती सभाघरांत आयोजीत केल्ल्या तीन दिसांच्या संस्कार शिबिराच्या समारोप सुवाळ्यांत ते उलयताले. माचयेर भारत माता की जय संघटनेचो संघचालक सुरेश डिचोलकार, मुकूंद खांडेपाकार, गणपती देवस्थानाचो सचीव सुनील नायक, आखाडा संत समजाची अध्यक्ष मनिषा फडते आनी कृष्णा नायक आशिल्ले.
शिबिरांत देव देवतांची तुस्त, दिसपट्टी पूजा, श्लोक, करदर्श, भूवंदना, संस्कृत वाडदीस गीत, क्षमा याचना, मनाचे श्लोक, गणपती स्तोत्र, योग हांचें अध्ययन जालें. बायलो आनी विद्यार्थी मेळून शंबर जाणांनी शिबिराचो लाब घेतलो. रमेश फडते, उपाध्याय कुशल करमळकार, धनश्री खांडोळकार, ज्योत्स्ना नायक, ईशा भामईकार, प्राची सावंत, बिंदिया राऊत, जयंती नायक, दीक्षा नायक आनी निवृत्ती कालापुरकार हांणी अध्ययन केलें. संजय खांडोळकारान योगाची प्रात्यक्षिकां करुन दाखयली. शिबिरांत वांटेकार जाल्ल्या विद्यार्थ्यांक प्रमाणपत्रां दिली. शिबिराचें सूत्रसंचालन ज्योत्स्ना नायक हिणे केलें आनी दीक्षा नायकान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
