भांगरभूंय | प्रतिनिधी
म्हापशेंः म्हापशेंच्या साईनगर, करासवाड्यार बिराडाक रावपी एका कुटुंबान रावपी कुडींत आत्महत्येचो यत्न केल्ल्याची धक्को दिवपी घडणूक उजवाडाक आयली. हे घडणुकेंत बापूय आनी सात वर्सा पिरायेच्या भुरग्याक मरण आयलें. जाल्यार बायलेची भलायकी गंभीर आसा. तिचेर जीएमसींत उपचार चलतात.
मेळिल्ले म्हायती प्रमाण, हें कुटुंब मूळ महाराष्ट्रातल्या सोनुर्ली गांवचे आशिल्ल्याचे कळटा. हे घडणुकेंत बापूय अजय जाधव आनी सात वर्सां पिरायेचो ताचो पूत अथर्व जाधव हांकां मरण आयलें. जाल्यार सुवर्ण जाधव गंभीर जखमी आसा. तिचेर जीएमसींत आयसीयूंत उपचार चलतात.
घडणुकेची म्हायती मेळटकच म्हापशें पुलिसांनी वचून पंचनामो केलो आनी कुडीं पोस्टमॉर्टमा खातीर धाडल्यो. ह्या प्रकरणाची फुडली चवकशी म्हापशें पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
