भांगरभूंय | प्रतिनिधी
काणकोण: इराण अमेरिका झुजाक लागून पेत्रोलियम पदार्थ वेळार मेळत नाशिल्ल्यान रांदपाचो गॅस सिलिंडर लेगीत वेळार मेळप कठीण जाल्लें. पूण आतां झूज सोंपलें तरी रांदपाच्या गॅसाची पुरवण करपी कंपनीन गॅस सिलिंडर वितरकाक मोबायल फोना वेल्यान गॅस सिलिंडर बूक करून जाले उपरांत चार दिसांनी ताचें बील करचें, बील केले उपरांत ओटीपी येतकच गिरायकांक गॅस सिलिंडर दिवपाचे आदेश दिल्ल्यान काणकोणच्या गांवगिऱ्या वाठारांतल्यान येवपी गिरायकांक हें त्रासाचें जालां.
कंपनी कडल्यान हो आदेश बुधवारा आयिल्ल्यान बिरेस्तारा खोला, खोतीगांव, गांवडोंगरी तशेंच नगरपालिका वाठारांतल्यान आयिल्ल्या गिरायकांक गॅस सिलिंडर घेनासतनाच परतून वच्चें पडलें.
हे संबंदी नागरी पुरवण खात्याचे उपसंचालक उल्हास वेळीप हांकां विचारलें तेन्ना, रांदपाचो गॅस सिलिंडर ही सामकी अत्यावश्यक गरज आसून हाचेर उपाय काडपाचे नदरेन गॅस सिलिंडर वितरण आनी गॅस सिलिंडर कंपनीच्या संबंदितां कडेन चर्चा करून उपाय काडटले अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
