भांगरभूंय | प्रतिनिधी
जाण्ट्या लोकांक फुडले पिळगेक सांगपाचें आनी आयकुवपाचें खूब आसता. तांकां आपले सुखी खीण परतून जियेवंक खूब आवडटात. पूण केन्ना- केन्ना तें सगळें घेवपाक कोणूच नासता. सदांच. पूण जे पिरायेंत फक्त ल्हान आसात वा जावपाक लागल्यात, ते सांजवेळा एकठांय बसतात आनी दुराचार सोडून कांयच करिनात. फाल्यांची खोस आनी उमेदीन वाट पळोवप म्हणल्यार ‘तरणाटो’ आनी फाल्यांची फांतोड येवची ना अशें जाणवप हें आमी निर्भयपणान ‘जाण्टेपण’ अशी व्याख्या करतात. पूण ही सगळी मनाची स्थिती अशें म्हाका सदांच खरपणान दिसता.
सध्या वीस वर्सां पिरायेचे जायते तरणाटे वाजेल्ले दिसतात. तोंडार जिज्ञासा ना, सोद घेवपाची वृत्ती ना. तर कितें म्हणचें, पूण कांय जाण्टे लोक सांजवेळार एकठांय बसतात. हेरांच्या घरानी कितें चल्लां ताची फकांडां मारीत गजाली करीत बसतात. कांय आजी- आज्यां खातीर सगळ्यांत कोमल मोग म्हणल्यार तांचीं नातरां. पावस पडटा तेन्ना पयसुल्ल्यान सुकणीं आंगणांत उदक पिवपाक येतात, एका खिणाक दोगांकय दिसता की पिलां पावल्यांत. फुटलेले कुटुंब वेवस्थेक लागून जाणवपी रिकामेपण भरपाची खऱ्यांनीच इत्सा जाता. भुरगीं आनी नातरां लांब जावप, पश्चात्ताप जाणवप आनी मागीर आजो- आजी एकामेकांक समजून घेवप सगळें व्हांवतालें, पूण जेन्ना ते दोगूय सांजवेळार बागेंतल्या एका बाकार शांतपणान बसतात, आपल्या लागीं आशिल्ल्या सुखाचो नियाळ घेतात तेन्ना तांचे मदीं चलपी एक संवाद खूब कितें सांगूंक सोदता. सुखाचे ते थोडे सोबीत खीण तांची सांज सोबीत आनी सुसंवादात्मक करता.
कदर करपाच्यो यादी मनांत आयुश्यभर सुखी दवरतात. पूण शाळेच्या जिविताच्यो यादी चड करून सुखी आसतात. शाळेंत इश्टां वांगडा एकठांय काडिल्ले ते सोबीत खीण विसरूंक जायनात. त्या काळाच्यो कितलेश्योच यादीं मनांन सदांच उरतात. कितलींय झगडीं जालीं तरीय शाळेंत बाकार बसतना भेदभाव करिनात, मनांत निरपराधीपण आसता. आमच्या जिवितांत निर्माण जाल्ल्या सुखाच्या खिणांचो वेळोवेळ नियाळ घेवप गरजेचें आसा. मन मात्शें उखलपाक…
सुख मनांत दवरपाचो यत्न करात. ताका लागून आमकां दर दिसा सुख मेळटलें. आनंद आसल्यार उमेद आसता. उमेद आसल्यार मनांत सकारात्मक विचार येतात. सकारात्मक विचार आमकां यत्न करपाक प्रेरीत करतात. यत्न जाल्यार येस मेळपाची शक्यताय निर्माण जाता. जंय शक्यताय आसता थंय जियेवपाची संद आसता. उदासीन मन घेवन संभाव्यतायेचो प्रवास जावंक शकना. एक सुखी मनूच तुमकां हे शक्यताये कडेन व्हरता.
करपा सारकीं खूब कामां आसतात. गरज आसा ती जिद्द, धैर्य आनी सहनशक्तीची. मनार घेतल्यार खूब कितें करूं येता. सुवार्थ सोडून दिल्यार व्हड- व्हड गजाली साध्य करूं येतात. एकदां करून पळयात. सुखाक परतून भेट दिवन जिणेचो मार्ग चलप. जिवीत तात्पुरतें, अप्रत्याशित देखून आयज आमी फाल्यांचो विचार करून सदांच बरे तरेन जगपाचो यत्न करचो, अशें म्हाका दिसता.
आमची खरी गिरेस्तकाय म्हळ्यार आमच्या जिवितांत येवपी लोक. जांकां लागून आमी सुखाचो खीण परतून जियेवंक शकतात. पूण आमकां तें लेगीत कळना. स्वताक प्रोत्साहन दिवन, स्वताक प्रेरीत करून, सदांच घडनाशिल्लीं कामां करून आनी तांचो आनंद घेवन, आमी सुखाचे सोबीत खीणय एकठांय करूंक शकतात…. आनी तातूंत सुदारणा करून आमी स्वताक आनी हेरांक उर्बा दिवक चालू दवरूं शकतात….-
गौरी भालचंद्र
9422373926
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
