भांगरभूंय | प्रतिनिधी
भांगरभूंय । प्रतिनिधी
वाळपयः छत्रपती शिवाजी म्हाराजांच्या वावराची यद तरणाटे पिळगेक करीत रावपाक जाय. धर्म, जात-पात कुशीक दवोरून म्हाराजान स्वाभिमानान जगपाचो मंत्र साबार समाजाक दिलो हे तरणाटे पिळगेक कळपाक जाय अशें उदयसिंग राणे हांणी सांगलें. वाळपय हांगा छत्रपती शिवाजी म्हाराज गार्डनांत शिवाजी म्हाराज जयंती समितीन आयोजीत केल्ले म्हयन्याळे कार्यावळींत ते उलयताले. सुरवेक म्हाराजाच्या पुतळ्याक फुलां हार घातलो. पावस पडतास्नाय शीव मोगी कार्यावळीक आय़िल्ले.
शिवाजी म्हाराजाचें काम उत्सवा पुरतें मर्यादीस आसपाक जायना. दर म्हयन्याक आयोजीत करतात ते कार्यावळीक लोकांचो बरो प्रतिसाद मेळटा. अशे कार्यावळींतल्यान म्हाराजाचें विचार चलंत दवोरपाचो उत्सव समितीचो यत्न आसा अशें तांणी फुडें सांगलें. कार्यावळीक उत्सव समितीचो उपाध्यक्ष विनोद शिंदे, वाळपयची नगराध्यक्ष सेहझीन शेख, नगरसेवक विनोद हळदणकार, वसयउद्दीन सय्यद, आदले सरपंच, पंच हाजीर आशिल्ले.
.शिवाजी म्हाराजाक लागून आमच्या आवय- भयणींच्या कपलावयलो कुकूम सुरक्षीत रावपाक शकलो. दरेकल्यान शिवाजी म्हाराजाचो आदर्श बाळगुवपाक जाय अशें विनोद शिंदे हांणी सांगलें. मिलिंद गाडगीळ हांणी कार्यावळीचें सूत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
