भांगरभूंय | प्रतिनिधी
कारवाय जायनाशिल्ल्यान शिक्षक संघटने कडल्यान निशेध
पणजी, प्रतिनिधी : कांय दिसां पयलीं गोंय विद्यापीठांतल्या एका प्राध्यापकान विद्यार्थिनीचो लिंगीक छळ केल्ल्याचें प्रकरण मुखार आयिल्लें. ताका लागून गोंय विद्यापीठ बरेंच चर्चेंत आशिल्लें. पूण आयज विद्यापीठ आनीक एका संकश्टांत घुस्पलां. गोंय विद्यापिठाच्या एका प्राध्यापकाक कांय गुंडांनी धमकावपाची घडणूक सध्या मुखार आयल्या. ह्या गुंडांच्या आड कागाळ करून लेगीत कारवाय जायना देखून विद्यापीठ शिक्षक संघटणेन निशेध नोंद केला. आयज दनपरां २.३० वरांचेर शिक्षक एकठांय येतले.
मजगतीं, कांय दिसां पयलीं विद्यापीठांतल्या एका प्राध्यापकान विद्यार्थिनीचो लिंगीक छळ केल्ल्याचें प्रकरणाचेर सगळ्याक बरीच चर्चा चालू आशिल्ली. ताचे पयलीं विद्यापीठांतल्या दोग विद्यार्थिनींचेर पुलीस अधिकार्यान लिंगीक अत्त्याचार केल्ल्याची खबर आयिल्ली. हे विशींची कागाळ अंतर्गत समिती कडेन आशिल्ली. पूण विद्यापीठ आनी अंतर्गत समितीन हे विशीं योग्य कारवाय करूंक ना, अशी म्हायती मेळिल्ली. तेन्ना राज्यांत बरोच बोवाळ जाल्लो.
आतां प्राध्यापकाक धमकावपाचो गुंडगिरीचो मुद्दो मुखार आयिल्ल्यान विद्यापीठांतल्या कारभारा विशीं विवीध प्रस्न मुखार येतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
