भांगरभूंय | प्रतिनिधी
नवीन वर्साच्या पयल्याच दिसा अपघातांत तिगांक मरण
पणजी ः नवीन वर्साक सुरवात जाता थंय आसा सकाळ सावन अपघातांच्यो घडणुको चालूच आसा. आयज फांतोडेर ताळगांव आनी मळा पणजे हांगा जाल्ल्या दोन अपघातांत दोगांक मरण आयलें.
वयल्या अपघातांची चर्चा राज्यांत चालू आसतानाच आयज सकाळीं वाळपयच्या हनुमान देवळा लागसार कार आनी दुचाकी मदीं अपघात जालो. ह्या अपघातांत उल्हास गांवकार (32, डोंगुर्ली-ठाणे) हाका मरण आयलें. उल्हास फोंडें पुलीस स्टेशनांत कामाक आशिल्लो. सकाळीं स्कुटरी वयल्यान तो ड्युटेक वतालो तेन्ना हो अपघात जालो. वाळपय पुलीस फुडलो तपास करता.
मजगतीं काल रातीं भोमा हांगा जाल्ल्या अपघातांत एकल्याक मरण आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
