भांगरभूंय | प्रतिनिधी
बायल उद्देदक आनी एसएचएफ
खातीर जीसीआय विंगाची बसका
भांगरभूंय प्रतिनिधी
मडगांवः गोंय चेंबर ऑफ कॉमर्स अॅण्ड इंडस्ट्रीसच्या बायल विंगा वतीन (जीसीसीआय डब्ल्यूडब्ल्यू) मडगांवच्या रवींद्र भवनांत दक्षीण गोंय कावंसील बसका जाली. जीसीसीआय डब्ल्यूडब्ल्यूची स्थापणूक तीन वर्सा फाटीं जाल्ली. तातूंत बायल आनी भुरगीं उदरगत खात्याची संचालिका दिपाली नायक, फॉरम फॉर इनोव्हेशन, इनक्युबेशन, रिसर्च अॅमड् एन्टरप्र्युनरशीपाचे तुशार सावंत, अॅड प्रियांका काम शेटय, स्वेता राणे आनी जीसीसीआय डब्ल्यूडब्ल्यूची अध्यक्ष पल्लवी साळगांवकार हांचो आसपाव आसा. तांचो हेल्प डेक्स बायल उद्देजक आनी आप वावुरपी गटांत ताकां जाय आशिल्ली म्हायती दिवून मार्गदर्शन करता.
कावंसिल नियमीतपणान बसका घेवन बायल उद्देजक आनी आप वावुरपी पंगडांक तांचे खातीर आशिल्ल्यो सरकारी तशेंच हेर येवजण्यांची म्हायती दिता. तांचे कसलेय प्रस्न आसल्यार ते सुटावे करपाचो यत्न करता. दक्षीण गोंयां खातीर रवींद्र भवनांत जाल्ले हे बसकेचें संयोजन जीसीसीआय डब्ल्यूडब्ल्यूची वांगडी श्रीमी पांणदीकार हिणे केल्लें. डीआयटीसीचीचे रिसोर्स पर्सन, आयडीसीची प्रकल्प समन्वयक आरती देसाय, एफडीएची क्लासा व्हिएगश, अन्न सुरक्षा अधिकारी केने कार्व्हालो हांणी बसकेंत मार्गदर्शन करतना वेगवेगळ्यो येवजण्यो आनी कार्यावळींची म्हायती दिली.
डॉ स्नेहा भगत हिणे उद्देजकता आनी दर्पणा आठल्ये हिणे उत्पादनाचें ब्रँडिंग आनी डिझायनींग हे विशी म्हायती दिली. कांवंसील वांगडी, सरकारी प्रतिनिधी हांचे कडेन बसकेंत वांटो घेतिल्ल्यान आपल्या प्रश्नांविशं चर्चा करपाची संद मेळ्ळी. बायल उद्देजक आनी आप वावुरपी पंगडांच्यो प्रतिनिधी व्हडा संख्येन बसकेक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
