भांगरभूंय | प्रतिनिधी
भांगरभूंय प्रतिनिधी
वास्कोः हार्बर- मुरगांव हांगच्या श्री दामोदर राष्ट्रोळी ईस्वटी ब्राम्हण देवस्थानाच्या वर्धापन दिसा निमतान आयोजीत केल्ले अखील गोंय भजनी सर्तींत कुडका- तिसवाडीच्या श्री नागेश महारूद्र महिला भजनी मंडळाक पयलें इनाम फावो जालें. नवें वाडें- वास्चोच्या श्री शिवसमर्थ महिला भजनी मंडळाक दुसरे आनी चिखली वास्कोच्या श्री नृसिंह सातेरी महिला भजनी मंडळाक तिसरें इनाम फावो जालें.
आसगांव- बार्देशच्या श्री साई दिगंबर महिला भजनी मंडळ, हेडलँड सडा- वास्कोच्या श्री तिरूपती बालाजी महिला भजनी मंडळ, श्री लक्ष्मीनारायण महिला भजनी मंडळ हांका उमेद वाडोवपी इनामां दिलीं. उत्कृश्ट गायिका म्हणून नागेश महारुद्र पंगडाच्या पौर्णिमा कवळेकरा हिका पयलें, गवळण म्हणपी करिष्मा काणकोणकार हिका इनाम मेळ्ळें. तिरूपती बालाजी पंगडाच्या विघ्नेश सावंत हांका संवादिनीचे आनी शिवसमर्थ पंगडाच्या तेजस तोरस्काराक पखवाज वादनाचें इनाम दिलें. सूर्या शेट्ये आनी अनिल पंडित हांणी सर्तीचें परीक्षण केलेें.
इनाम भेटवण कार्यावळीक मुखेल सोयरे म्हणून मुरगांवचो आमदार संकल्प आमोणकार हाजीर आशिल्लो. उद्देजक उमेश साळगांवकार, सुहास लिमये, अंजू कोणकोणकार, दामोदर गडेकर, शंकर चौधरी, अनिल काणकोणकार, जगदीस दुर्भाटकार कार्यावळीक हाजीर आशिल्ले. संतोष गजानन मोरूडकारान सूत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
