भांगरभूंय | प्रतिनिधी
भांगरभूंय । प्रतिनिधी
कोरगांवः खेळ आनी युवा वेव्हार खात्यान आयोजीत केल्ल्या पेडणे तालुको पांवड्या वयल्या 17 वर्सा सकयल्ल्या शालेय विद्यार्थ्यां खातीरच्या टेबल टॅनीस सर्तींत देऊळवाडो- कोरगांवच्या श्री कमळेश्वर हायस्कुलान वस्तादपण मेळयलें.
फायनलींत कमळेश्वराच्या पंगडान हरमल पंचक्रोशी हायस्कुलाक हारयलें. वैभव तेली, दीप गावडे, जीत केरकार, कपील गडेकर आनी तनिश गावडे हांणी बरो खेळ करून पंगडाक जैत मेळोवन दिलें. मांद्रें हायस्कूल उपरांत कोरगांवच्या सेंट झेवियर हायस्कूल पंगडांक हारोवन तांणी फायनलींत प्रवेश केल्लो.
जैतिवंत पंगडाक हायस्कुलाचो टीपी शिक्षक मनोज परब हांणी मार्गदर्शन केलें. शाळा वेवस्थापनाचो अध्यक्ष परशुराम गावडे, सचीव नीळकंठ थळी, भांडारी नीळकंट शेट्ये, मुख्याध्यापक भालचंद्र हिरोजी
आनी पालक-शिक्षक संघान पंगडांतल्या विद्यार्थ्यांक परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
