भांगरभूंय | प्रतिनिधी
पणजी : देशांतल्या जायरात, प्रसारमाध्यमां आनी मार्केटिंगची परिशद गोवा फेस्त 2022 हें दोन वर्सां उपरांत हांगाच्या ग्रॅण्ड हयात हाॅटेलांत सुरू जालां. एएएआयचो (एडव्हर्टायझिंग एजन्सीज असोसिएशन आॅफ इंडिया) नवो लोगो लोकार्पण करून ह्या फेस्ताक सुरवात जाली. गोवा फेस्ताची ही 15 वी आवृत्ती. उक्तावण सुवाळ्यांत सुखबीर सिंग हांचें गायन जालें.
लोगाचें अनावरण एफसीबी उल्काचे चॅरमन रोहित ओहरी आनी चित्रपट कलाकार यामी गौतम हांणी केलें.
यामी गौतम आनी एबी पुरस्कार मंडळाचे चॅरमन राना बरुआ हांची भासाभास जाली. तांणी चित्रपट, जिवीतांत मुखार येवपाक कितें करपाक जाय, हाचो नियाळ घेतला. उपरांत शुगर काॅस्मेटिक आनी शार्क, शार्कटँक इंडियाची सीईओ विनिता सिंग हांणी उद्देगां विशीं विचार मांडले.
दुसऱ्या सत्रांत शॅरचॅट आनी मौजचे संस्थापक अंकुश सचदेव हांणी मेडिसन मिडियाचे सीईओ विक्रम सखुजा हांणी विचार मांडले.
ह्या वेळार ओगिल्वी इंडियाचे कार्यकारी चॅरमन पियुश पांडे, ग्राहक वेव्हार मंत्रालयाचे सचिव रोहितकुमार सिंग हांची चर्चा जाली. संचलन सुभाष कामत हांणी केलें. पुडुचेरीची आदली राज्यपाल डाॅ. किरण बेदी हांणी फुडारपणाच्या गुणां विशीं सांगलें. फुडले कांय दीस हो सुवाळो चलतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
