भांगरभूंय | प्रतिनिधी
भांगरभूंय । प्रतिनिधी
वाळपयः गोरवांची बेकायदो येरादारी केल्ल्या प्रकरणांत शुक्रारा वाळपय पुलिसांनी अल्ताफ अल्लाबक्ष बेपारी (साश्ट) आनी उल्हास पुतू देसाय (कुंकळ्ळी) हांचेर गुन्यांव दाखल केल्यात. मजगतीं, तीन गोरवांक नाणूस गोशाळेंत धाडल्यात.
मेळिल्ले म्हायती प्रमाण तीन गोरवांची बेकायदो येरादारी चल्ल्या, अशी म्हायती वेळगेंच्या लोकांनी वाळपय पुलिशेक दिली. पुलिसांनी ताकतिकेन कारवाय करना येरादारी करपी गाडी गोरवां सयत ताब्यांत घेतली. कत्तल करपा खातीर त्या तीन गोरवांची तस्करी
करताले.
मजगतीं, नाणूस गोशाळेच्या वेवस्थापनाचे पदाधिकारी लक्ष्मण जोशी हांचे कडेन संपर्क केलो तेन्ना तांणी सांगलें, वाळपय पुलिशे कडल्यान तीन गोरवां नाणीस गोशाळेंत दाखल जाल्यात. तांची भलायकी बरी आसा.
वेळगेंच्या लोकांनी सतर्कता दाखयिल्ल्यान तीन गोरवांचो जीव वाचलो. तीं गोरवां कत्तल करचे खातीर व्हरताले. अशीच सतर्कता लोकांनी हेर वाठारांनीय दाखोवची आनी गोरवांची तस्करी बंद करपाक गोरक्षक अभियानाच्या वावराक आदार करचो, असो उलो गोशाळेचे वेवस्थापन समितीचे अध्यक्ष हनुमंत परब हांणी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
