भांगरभूंय | प्रतिनिधी
कुंडय भौशीक चवथ उत्सवांतले बायलां खातीरचे अंताक्षरी सर्तींत लक्ष्मी मा ग्रुपाच्या शांती प्रशांत फडते, सरिता विश्वास फडते, प्रितम गौ. फडते, मोहिनी नागेश फडते, श्रीजा गौरीश फडते हांणी पयलो क्रमांक मेळयलो. तर श्री झरी मरी देवी ग्रुपान दुसरो क्रमांक जोडलो.
कार्यक्रमाची सुरुवात समाजसेविका सौ कांता संजय भंडारी हांचे हस्तुकीं दिवली पेटोवन जाली. मुखेल सोयरे म्हूण प्रूडंट मिडियाचे सचिन सूर्लकार, लघुउद्योजक रिमा रामू नायक, उद्योजक शांती फडते तशेंच मंडळाचे उपाध्यक्ष शांतो गणेश नायक हजर आशिल्ले.
सर्तींत नवदुर्गा महिला ग्रुप, श्री झरी मरी देवी ग्रुप, जय भवानी मंडळ आनी लक्ष्मी मा ग्रुप अशे चार ग्रुप आशिल्ले. सर्तीचें संगीत संयोजन सचिन सुर्लकार हांचे वतीन केलें. दिव्या दत्ता शेणवी मावजेकार हांणी परिक्षण केलें. कार्यक्रम मुखेली शैलेश च्यारी हांणी बहारदार सूत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
