भांगरभूंय | प्रतिनिधी
भांगरभूंय । प्रतिनिधी
सावयवेरेंः प्रियोळ म्हाडडोळ हांगच्या ओम साई राम कोचींग वर्गा वतीन अंदूचे 10वी आनी 12वेचे परिक्षेंत डिस्टिंगशन घेवन पास जाल्ल्या विद्यार्थ्यांचो मडकयच्या नवदुर्गा देवस्थान सभाघरांत भोवमान केलो. नवदुर्गा उच्च माध्यमीक विद्यालयाची प्राचार्य सीमा सावंत कार्यावळीक मुखेल सोयरी म्हणून हाजीर आशिल्ली.
विद्यार्थ्यांनी एकाच विशीस्ट मळा कडेन लक्ष केंद्रीत करून आपलें ध्येय हातासपाचो यत्न करपाक जाय आपलीं भुरगीं नाका ते वटेन वतात अशें दिसल्यार पालकांनी तांका उपदेश करून आडावपाक जाय अशें सावंत हिणे सांगलें. शिक्षक गीतेश वेरेकार, आनी गोकुळ नायक हांणी आपले विचार मांडले.
विद्यार्थ्यांच्या येवकार गितान कार्यावळीक सुरवात जाली. रंजिता सिरसाठ हिणे प्रास्तावीक केलें. मानेस्तांचे हस्तुकीं विद्यार्थ्यांक यादस्तिकां भेटयलीं. कोचींग वर्गाचे डॉ अशोक प्रियोळकार हांचो ह्या वेळार भोवमान केलो. कार्यावळीक मुख्याध्यापक गोकुळ नायक, आदलो उपसरपंच योगेश गावडे, समाज वावुरपी उमेश गावडे हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
