भांगरभूंय | प्रतिनिधी
भांगरभूंय । प्रतिनिधी
म्हापशेंः कुडाळच्यान एका कुटूंबाक गोंयांत फिरपाक घेवन आयिल्ली टाटा मॅजीक पॅसेंजर रिक्शा एक्सल रॉड तुटल्ल्यान गिरी- सुकूर हांगा राष्ट्रीय म्हामार्गार माडाक धफको दिवन रस्त्यार लवंडली. ड्रायव्हरा सयत 9 जाणांक तातूंत किरकोळ दुखापत जाली. सोमाराक सकाळीं 11.30च्या सुमाराक हो अपघात जालो.
रिक्शा ड्रायव्हर विश्राम कोरगांवकार, हातूंत कुडाळच्या मेहमूना इसाक इब्राहीम शेख (40), मुमताज सिलार बाशा शेख (29), सिलार बादशाह शेख (40), मुबारक बादशाह शेख (21), सफीजान सिलार बादशाह शेख (6), सोफीया सिलार बादशाह शेख (9) तशेंच हैदराबादच्या शकीरा नूर महमद शेख (40), अफसरा नूर महमद शेख (20) हांका किरकोळ दुखापत जाली.
हैदराबादच्यान आपली भयण आनी भाची आयिल्ल्यान सिलार महमद शेख घरच्यांक घेवन गोंय पळोवपाक आयिल्लो. दुखापत जाल्ल्यांक अॅम्बुलन्सींतल्यान म्हापशें जिल्हो हॉस्पिटलांत व्हेलें आनी उपचारा उपरांत तांका डिस्चार्ज दिलो. पर्वरी पुलीस स्टेशनाचो हवालदार प्रितम दाभोलकारान अपघाताचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
