भांगरभूंय | प्रतिनिधी
पणजी, प्रतिनिधी: ‘भांगरभूंय’ च्या दिवाळी अंकाचे बुधवारा सांजवेळा मुख्यमंत्री डॉ. प्रमोद सावंत हांचे हस्तुकीं आल्तिनो वयल्या सरकारी निवासस्थानाचेर लोकार्पण जालें. ह्या अंकाचें मुखपृश्ठ, अंकाची मांडणी आनी मजकुराची मुख्यमंत्री डॉ. सावंत हांणी तोखणाय केली. ह्या वेळार ‘गोवन वार्ता’च्या दिवाळी अंकाचें आनी ‘हुप्पा हुय्या’ ह्या बाल विशेशांकाचेंय प्रकाशन जालें.
‘भांगरभूंय’च्या दिवाळी अंकात दर्जेदार साहित्याचो आस्पाव आसून, कोंकणी वाचकांनी हो अंक मुजरत वाच्चो. कोंकणी वाचकां खातीर ही मेजवानी. कोंकणीमोगींनी भांगरभूंय पेपरुय न चुकता विकत घेवचो, अशें आवाहन मुख्यमंत्री डॉ. सावंत हांणी केले.
ह्या वेळार ‘भांगरभूंय’चे संपादक महेश दिवेकार, ‘गोवन वार्ता’ चे संपादक पांडुरंग गांवकार, ‘भांगरभूंय’चे जायरात वेवस्थापक सागर लादे, ‘गोवन वार्ता’ चे पणजी प्रतिनिधी सिद्धार्थ कांबळे आनी जायरात वेवस्थापक अमित पोकळे, मुख्यमंत्र्यांचे ओएसडी गौरीश कळंगुटकार आनी हेर मानेस्त हाजीर आशिल्ले..
मजगतीं, ‘भांगरभूंय’, ‘गोवन वार्ता’ दिवाळी अंक आनी ‘हुप्पा हुय्या’ हो बाल विशेशांक राज्यांतल्या सगल्या पेपर विक्रेत्यां कडेन उपलब्ध आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
