भांगरभूंय | प्रतिनिधी
गोंयांत सुपाश चोडणकार जेईई मेन 2024 परिक्षेत पयलो
पणजी, बातमीदार ः हालींच जाल्ल्या जेईई मेन (JEE MAIN) 2024 च्या एप्रील सत्रांत विद्यार्थ्यांनी उत्कृश्ट कामगिरी केल्ल्यान एस्टेलर अकादेमीन नवो बेंचमार्क तयार केलां. एस्टेलर अकादेमीन JEE MAIN 2024 खातीर गोंय राज्य टॉपर (GOA STATE TOPPER) तयार केल्ल्यात. सुपाश चोडणकार हांणी जेईई मेन 2024 त गोंयांत सगळ्यांत चड 99.94 टक्के गूण मेळोवन पयलो आयलो.
सुपाश चोडणकार हांणे म्हणलें, जेईई मेन 2024 वर्सा गोंय राज्यांत पयली सुवात मेळयल्ल्यान म्हाका खूब खोस जाता. भारतांतल्या प्रिमियर इन्स्टिट्यूटांनी अभियांत्रिकी वा विज्ञान आनी संशोधनांत करिअर करपाची म्हजी इत्सा आसा कारण ह्या मळार म्हाका आवड आसा. एस्टेलर अकादमींतले शिक्षक सदांच आमकां खूब मजत करतात आनी सदांच आमकां शक्य तितले बरे तरेन मार्गदर्शन करतात.
NEET आनी JEE क्रॅक करपाची इत्सा आशिल्ल्या सगळ्या फुडाराच्या वैजकी आनी अभियांत्रिकी विद्यार्थ्यानी एस्टेलर अॅकादमींत प्रवेश करचो अशीं हांव विनवणी करता. म्हज्या आवय- बापायन म्हाका दिल्लो तेंको आनी केल्ली मजत हांकां लागून हांव तांचे उपकार मानतां.
सुपाशाचो बापूय विकास चोडणकार हांणी म्हणलें, जेईई मेन 2024 वर्सा गोंयांत पयलो क्रमांक मेळयिल्ल्यान आमच्या पुताचो आमकां खूब अभिमान आसा. आमच्या पुताक हे विशीं मार्गदर्शन केल्ल्या खातीर एस्टेलर अकादमी आनी ताच्या टीचिंग आनी बिगर टीचिंग स्टाफाचे आमी खूब उपकारी आसात.
ईएचएसएसईचे प्राचार्य आनी मुखेल मार्गदर्शक योगेंद्र सिंग सिकरवार हांणी सांगलें, सुपाश जेई मेन 2024 त गोंय राज्यांत 99.94 टक्के गूण मेळोवन पयलो आयलो. तशेंच आनीक 3 विद्यार्थ्यांनी 99 टक्के वयर गूण मेळयल्यात. तातूंत अम्मार लश्करवाले 99.58 टक्के, अलाया डिक्रूज 99.33 टक्के आनी वॉरेन सिक्वेरा 99.28 टक्के हांचो आस्पाव आसा.
स्पर्धात्मक परिक्षेची गजाल येता तेन्ना एस्टेलर अॅकॅडमी सदांच सगळ्यांत बरो निकाल मेळोवपा खातीर विद्यार्थ्यांक तयार करता. तांणी ISI परिक्षा, NEET, गोंय बोर्ड, सीबीएसई, GTSE आनी JEE मेन ह्या विशयांत गोंयांत टॉपर तयार केल्यात. आयआयटी जेईई, नीट आनी हेर स्पर्धात्मक परिक्षे खातीर गोंयच्या विद्यार्थ्यांची पयली निवड जाल्या एस्टेलर अॅकॅडमी. एस्टेलर अकादेमीन सुरवाती सावन मडगांव, पर्वरी आनी वास्को हांगाच्या केंद्रांतल्यान उत्कृश्ट निकाल दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
