भांगरभूंय | प्रतिनिधी
पोरूचे तुळेन अंदुं 365 विद्यार्थी चड, 3377 विद्यार्थी परिक्षा दीतलें
बातमीदार – पणजी : विद्यार्थ्यांक इयत्ता पांचवी ते धावी मेरेन शिश्यवृत्ती दिवपाची तजवीज आशिल्ली प्रज्ञासोद परिक्षा फाल्यां आयतारा 28 एप्रीलाक जातली. फाटलें वर्साचे तुळेंत अंदुं 365 विद्यार्थी चड आसा. अंदूं चवथेंतल्यान पांचवेंक वचपी 3377 विद्यार्थी हे परिक्षेक बसतलें. फाटले वर्सा (2022 – 2023) चवथी यत्तेंतल्यान पांचवेक वचपी 3012 विद्यार्थ्यांनी प्रज्ञासोद परिक्षा दिल्ली, अशी म्हायती एससीईआरटीच्या अधिकाऱ्यांनी दिली. दरेकी म्हालांत परिक्षेचें केंद्र आसा. राज्य शिक्षण संशोधन आनी प्रशीक्षण मंडळा वतीन (एससीईआरटी) ही परिक्षा जाता.
दरेकी म्हालातल्यान 40 विद्यार्थ्यांची परिक्षेंतल्या गुणांचेर आदारीत शिश्यवृत्ती खातीर निवड जाता.
शारी, गांवगिरे, अनुसूचीत जाती, अनुसूचित जमाती ह्या गटातल्या विद्यार्थ्यां खातीर म्हाल पावंड्याचेर राखीवता आसा. आयतारा 28 एप्रिलाक सकाळी 10 ते 12 ह्या वेळेत परिक्षा जातली. भाशा, गणित आनी परिसर अभ्यास मेळून 100 गुणांचो पेपर आसतलो.
दिवचल म्हाल – सरकारी विद्यालय आनी अवर लेडी ऑफ़ ग्रेस विद्यालय, बार्देश – जी. एस. आमोणकार विद्या मंदिर, पेडणे – सरकारी उच्च माध्यमिक विद्यालय आनी भगवती विद्यालय, सत्तरी – सरकारी उच्च माध्यमिक विद्यालय, वाळपय आनी सरकारी प्राथमिक विद्यालय, वाळपय, तिसवाडी – हेडगेवार विद्यालय, कुजिरा, फोंडें – आल्मेदा विद्यालय आनी सरकारी विद्यालय, सदर, साश्ट – महिला नुतन मडगाव, सांगें – मिरेकलस विद्यालय, काणकोण- सरकारी उच्च माध्यमिक विद्यालय, मस्तीमळ, केपें – सर्वोदय विद्यालय, कुडचडे, धारबांदोड्यां- आनंदीबाइ मराठे विद्यामंदीर, मुरगांव- सेंट जोसेफ विद्यालय, वास्को ह्या थळांचेर परिक्षा जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
