भांगरभूंय | प्रतिनिधी
नवी दिल्ली, प्रतिनिधी: बलात्कार हो गंभीर गुन्यांव अशें गुजरात उच्च न्यायालयान सांगलां. बळीच्या घोवान अशें केल्ले आसल्यार तो गुन्यांवूच थारतलो. हे विशीं उच्च न्यायालयान सांगलें, संवसारांतल्या जायत्या देशांनी वैवाहिक बलात्कार बेकायदेशीर आसात अशें सांगलें. न्यायमूर्ती दिव्येश जोशी हांणी म्हणलें, बलात्कार हो बलात्कार…जरी तो घोवान केल्लो आसलो तरी. न्यायाधीश जोशी हांणी ८ डिसेंबराक दिल्ल्या निर्णयांत बायलेचो जामीन अर्ज न्हयकारिल्लो.
हे बायलेचेर तिच्या पुताक तिणें तिचे सुनेचेर लैंगीक अत्त्याचार करपाक प्रवृत्त केल्ल्याचो आरोप आशिल्लो. न्यायमूर्ती जोशी हांणी, अमेरिकेंतलीं ५० राज्यां, ऑस्ट्रेलिया, न्यूझीलंड, कॅनडा, इस्रायल, फ्रान्स, स्वीडन, डेन्मार्क, नॉर्वे, सोव्हिएत युनियन, पोलंड आनी चेकोस्लोव्हाकिया आनी हेर खुबश्या राज्यांनी लग्नीक बलात्कार बेकायदेशीर आसा, अशें म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
