भांगरभूंय | प्रतिनिधी
दर दिसा जर तुमी ल्हान गुंतवणूक करेत जाल्यार तुमची व्हडली गुंतवणूक जाता. तुमी जर खंयचेर येवजणेंत दिसाक फकत १०० रुपया वाचयल्यार ५ वर्सांत तुमचे कडेन २.५ लाख रुपया एकठांय जातले.
ही येवजण नेमकी कितें? हाचो नेमको कसो फायदो जातलो? हे विशीं म्हायती जाणून घेवया.
दर दिसा तुमी फक्त शंबर रुपया वाचयल्यार कांय वर्सांनी तुमकां व्हड रक्कम मेळूंक शकता. आतां तुमकां दिसतलें जर तुमकां ल्हानशी रक्कम जमा करपाची आसल्यार ताची तुमी टपाल खात्यांत गुंतवण करतले. पूण टपाल खात्या बदला एसआयपींत दर दिसा १०० रुपया गुंतवणूक केल्यार तुमकां चड फायदो जातलो. फकत ५ वर्सांत तुमचे कडेन सुमार २.५ लाख रुपया एकठांय जातले.
तुमी टपाल खात्यांत रिकरिंग डिपॉझिट (आरडी) खातें उगडूंक शकतात. हातूंत उण्यांत उणी १०० रुपया गुंतवणूक करूं येता. अशे तरेन ५ वर्सांनी तो १.८० लाख रुपया जातलो. सध्या ६.७ टक्के व्याज दिता. सरकारान तातूंत ती म्हयन्यांनी बदल करता. अशे परिस्थितींत सरासरी ६.५ टक्के येता. म्हणल्यार ५ वर्सांत ३२,९७२ रुपया व्याज मेळटलें.
SIP त वर्साक सरासरी १२ टक्के परतावो
पोस्ट ऑफिसाच्या बदलाक दिसाक १०० रुपया एसआयपींत म्हयन्याक ३ हजार रुपया वाचयल्यार ५ वर्सांत १.८० लाख रुपया वांगडा डिपॉझिटाचेर ६७,४५९ रुपया व्याज मेळटलें. हाका लागून एसआयपीक वर्साक सरासरी १२ टक्के परतावो मेळटा. केन्नाय तें १८ ते २० टक्क्यां मेरेन वचूंक शकता. मागीर तुमचो रिफंड १.८० लाख रुपया चड मेळटलो.
अडेज लाख रुपया मेळटले
अशे तरेन टपाल खात्याचे आरडींत तुमची १.८० लाख रुपया ठेवी फकत २,१२,९७२ रुपया मेरेन पावतली. म्हणल्यार एसआयपींत ही रक्कम ५ वर्सांनी १२% रिटर्नाचेर २,४७,४५९ रुपया आसतली. SIP परतावो हाचे परस मात्सो चड आसल्यार, तुमचो परतावो चड आसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
