भांगरभूंय | प्रतिनिधी
पणजी ः वर्ल्ड ट्रॅव्हल अॅवॉर्ड्सांत पर्यटन उद्देगांतलो सगळ्यांत प्रतिश्ठीत पुरस्कार, ‘इंडियाज लीडिंग फॅमिली रिसॉर्ट 2023’ म्हणून ‘ताज एक्झोटिका रिसॉर्ट अँड स्पा’, गोंयची निवड जाल्या.
हे विशीं उलयतना ताज एक्झोटिका रिसॉर्ट अँड स्पाचे महावेवस्थापक मानव मल्होत्रा हांणी सांगलें, आंतरराष्ट्रीय मंचाचेर परत एक फावट मान्यताय मेळ्ळ्या म्हूण आमकां खोस जाता. दर्जेदार सेवा आनी आमच्या उत्कृश्टतायेच्या यत्नाची ही गवाय. वर्ल्ड ट्रॅव्हल अॅवॉर्ड्सांत ‘इंडियाज लीडिंग फॅमिली रिसॉर्ट 2023’ म्हूण मान्यताय मेळप हो एक व्हड भोवमान.
ताज एक्सोटिका रिसॉर्ट अँड स्पा, गोंय हो इंडियन हॉटेल्स कंपनीचो (आयएचसीएल) एक प्रतिश्ठीत हॉस्पिटॅलिटी ब्रँड, जो संवसारीक दर्ज्याचे सेवे खातीर फामाद आसा. देशी आनी आंतरराश्ट्रीय पुरस्कार मेळोवपी हो गोंयांतलो एक उत्कृश्ट रिसॉर्ट मानतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
