युसुफा कडल्यान ९ मोबायल जप्त
भांगरभूंय | प्रतिनिधी
मुरगांव, प्रतिनिधी: वास्को पुलिसांनी कर्नाटक – दावणगिरीच्या मुहम्मद युसूफ हुसेन शेख (४८) हाका अटक केल्या. पुलिसांनी ताचे कडल्यान ९ मोबायल जप्त केल्यात. ताचें मोल १ लाख ५० हजार रुपया आशिल्ल्याचें पुलीस निरीक्षक कपिल नायक हांणी सांगलें. पोरुंय युसूफ हाका २० मोबायल चोरिल्ल्याच्या आरोपा वयल्यान अटक केल्ली.
वास्को सिने कडेन वास्को बस स्टॅण्डार भोंवतना युसूफ हाका पळयतांच गस्तीर आशिल्ल्या पुलिसांक ताचेर दुबाव आयलो. पुलिसांनी ताका रोखडोच धरलो. चवकशी केली तेन्ना ताचे कडेन ९ मोबायल मेळ्ळे. उपरांत पुलिसांनी अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
