भांगरभूंय | प्रतिनिधी
उच्च न्यायालयाच्या आदेश
पणजी, बातमीदार ः पेन्ह द फ्रान्स पंचायत वाठारांतल्या मांडवी न्हंयचे देगेर उबारून दवरिल्ल्या बेकायदेशीर होर्डिंगांची वीज कापून होर्डिंग धांपून दवरपाचो आदेश मुंबय उच्च न्यायालयाच्या गोंय खंडपिठान आयज जारी केला.
पेन्ह द फ्रांन्स पंचायत वाठारांतल्या मांडवी न्हंयेंचे देगेर उबारून दवरिल्लीं 21 होर्डिंग मोडपाच्या आदेशाक पंचायत संचालकांनी स्थगीती दिली. हाची जाणविकाय करून मुंबय उच्च न्यायालयाच्या गोंय खंडपिठान पंचायत संचालकांक एका म्हयन्या भितर संबंदीत अर्जाचेर निर्णय घेवपाचो आदेश दिला. तशेंच गोंय दर्यादेग वाठार वेवस्थापन प्राधिकरणाक (GCZMA) तपासणी करून हे संबंदी अहवाल सादर करपाक निर्देश जारी केलां.
मजगतीं, आयचे सुनावणेंत खंडपिठान बेकायदेशीर होर्डिंगांची वीज कापून होर्डिंग धांपून दवरपाचो आदेश दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
