भांगरभूंय | प्रतिनिधी
मडगांव, प्रतिनिधी : नातालां आनी नवें वर्स मनोवपा खातीर खुबशे पर्यटक गोंयांत येतात. प्रवाशांची गर्दी जावची न्हय देखून वर्साच्या निमाणे कडेन मध्य रेल्वेच्या सहकार्यांतल्यान कोकण रेल्वेन पनवेल ते मडगांव विशेश गाडयो सोडोवपाचो निर्णय घेतला.
गाडी नं. ०१४२८ मडगांव जंक्शन ते पनवेल ही गाडी मडगांव जंक्शन हांगच्यान २२, २३, २४, २९, ३० आनी ३१ डिसेंबराक मडगांवच्या ८ वरांचेर सुट्टली. तशेंच त्याच दिसा २०.१५ वरांचेर पनवेल पावतली. गाडी नं. ०१४२७ पनवेल – मडगांव जंक्शन ही गाडी पनवेलच्यान २२, २३, २४, २९, ३० आनी ३१ डिसेंबराक पनवेलच्यान २१.१० वरांचेर सुट्टली आनी दुसर्या दिसा सकाळीं ६.५० वरांचेर मडगांवां पावतली. ही २२ डब्यांची गाडी करमळे, थिये, सावंतवाडी रोड, कुडाळ, कणकवली, वैभववाडी रोड, राजापूर रोड, रत्नागिरी, संगमेश्वर रोड, चिपळूण, खेड आनी रोहा स्थानकांचेर रावतली.
गाडी नं. ०१४३० मडगांव जंक्शन ते पनवेल ही गाडी मडगाव जंक्शना वयल्यान १ जानेवारी २०२४ दिसा २१.०० सुट्टली आनी ही गाडी दुसर्या दिसा ७.३० वरांचेर पनवेल पावतली. गाडी नं. ०१४२९ पनवेल – मडगांव जंक्शन ही विशेश गाडी २ जानेवारीक ८.२० वरांचेर पनवेलच्यान सुट्टली आनी त्याच दिसा २१.३० वरांचेर मडगांवां जंक्शनाचेर पावतली. ही २२ डब्यांची गाडी करमळे, थिये, सावंतवाडी रोड, कुडाळ, कणकवली, वैभववाडी रोड, राजापूर रोड, रत्नागिरी, संगमेश्वर रोड, चिपळूण, खेड आनी रोहा स्टेशनांचेर रावतली. वयल्यो गाडयो खंय रावतल्यो आनी तांचो वेळ पळोवपा खातीर www.enquiry.indianrail.gov.in हे वेबसायटीक भेट दियात. तशेंच NTES ऍप डावनलोड करचो. प्रवाशांनी हे सेवेचो लाव घेवचो असो उलो रेल्वे प्रशासनान मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
