भांगरभूंय | प्रतिनिधी
भांगरभूंय । प्रतिनिधी
वास्कोः हांगच्या डॉ सर्वेश प्रेमानंद आजगावकार हाका बोस्टन- अमेरिका हांगा जाल्ले दीक्षांत सुवाळ्यांत अमेरिकन कॉलेज ऑफ सर्जन्स फेलोशीप ( एफएसीएस) फावो जाली. ही फेलोशीप मेळयल्ल्या गोंयांतल्या कांय वेचीक सर्जनांतलो डॉ सर्वेश आजगांवकार एक आसा. अशे तरेचो भोवमान मेळोवपी घडये तो गोंयांतलो पयलोच ईएनटी सर्जन आसुए.
डॉ सर्वश व्हो एमपीटी हॉस्पिटलाचो आदलो मुखेल वैजकी अधिकारी डॉ प्रेमानंद आजगांवकार आनी प्रमेल आजगांवकार हाचो व्हडलो चलो आसा. गोंय वैजकी म्हाविद्यालयांतल्यान एमबीबीएस जाल्या उपरांत ताणे कोलकाता हांगच्या वैजकी म्हाविद्यालयांतल्यान 2019 वर्सा ईएनटी (कान, नाक आनी गळो) हातूंत मास्टर ऑफ सर्जन पदवी मेळयतना पश्चीम बंगाल भलायकी विद्यापिठांत अव्वल सुवात मेळयली. ताचे हे कामगिरी खातीर ताका भांगरा पदक फावो जाल्लें.
सिनियर रेसिडन्सी पुराय केल्या उपरांत ताची आरोस- सिधुदुर्ग हांगच्या शासकीय वैजकीय म्हाविद्यालय आनी मिरज हांगच्या वैजकी म्हाविद्यालयांत ईएनटी विभागांत सहाय्यक प्राध्यापक म्हणून नियुक्ती जाली. खडगपुरच्या इंडियन इन्स्टिट्यूट ऑफ टेक्नोलॉजीतली डॉ. बी.एस रॉय मल्टी स्पेशालिटी मेडिकल रिसर्च सेंटरच्या ईएनटी विभागांत सहाय्यक
प्राध्यापक म्हणून तो फुडल्या म्हयन्यांत रुजू जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
