भांगरभूंय | प्रतिनिधी
प्रतिज्ञापत्र वरवीं सरकाराचें न्यायालयाक उतर
पणजी, बातमीदार : बेकायदेशीर रेंव काडपाच्या प्रकरणाचेर गोंयांतल्या मुंबय उच्च न्यायालयान पुलीस महासंचालक आनी हेर प्रशासकीय एजन्सींक ७ डिसेंबराक बरेच उजरावन काडिल्ले. हाची दखल घेवन खंडपिठाच्या आदेशा प्रमाण, आयज महासंचालक आनी मुखेल सचीव हांणी प्रतिज्ञापत्र सादर करून हे प्रकरण पुरायेन बंद करपाचें उतर दिलां.
खंडपिठान परत परत आदेश दिवन लेगीत गोंयांत १० सुवातींचेर बेकायदेशीर रेंव काडपाचें काम चालू आसा अशें याचिकादारान दाखोवन दिल्लें. पुलीस महासंचालक आनी मुखेल सचीव हांण बसका घेवन हे सगळें थांबोवपा खातीर खर उपाय घेवचे. उपरांत कितें उपाय करतले हें महासंचालकानी १२ डिसेंबर मेरेन प्रतिज्ञापत्रांत खंडपिठाक सांगचें अशेंय दोन न्यायाधीशांच्या खंडपिठान सांगिल्लें. ह्या आदेशा प्रमाण पुलीस महासंचालक आनी मुखेल सचीवान आयज वेगवेगळें प्रतिज्ञापत्र सादर करून बेकायदेशीर रेंव काडप पुरायपणान बंद करपाचें खर आस्वासन दिलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
