भांगरभूंय | प्रतिनिधी
पणजी, प्रतिनिधी : मळबांत विमान उडटना केन्ना- केन्ना ताका येवन सवणें आपटपाच्यो घडणुको जायते फावट घडटात. केंद्रीय विमान उड्डाण राज्यमंत्री जनरल व्ही. के. सिंग हांणी राज्यसभेंतल्या लेखी प्रस्नाक जाप दितना सांगलें की, फाटल्या स वर्सांनी गोंयांत विमानाक सवणें येवन आदळपाच्यो ११३ घडणुको घडल्यात.
विमान ट्रॅका वयल्यान धांवतना वा केन्ना- केन्ना मळबांत उडटना खुबशे फावटीं विमानाक सुकणीं आपटपाच्यो घडणुको घडटात. देशांतल्या जायत्या विमानांचेर सवणीं आपटल्यांत. फाटल्या स वर्सांनी सवणें विमानाक आपटपाच्यो ११३ घडणुको घडल्यात. २०२२ वर्सा २७ घडणुको घडिल्ल्याचें मंत्री सिंग हांणी जापेंतल्यान सादर केल्ल्या आंकड्या वरवीं दिसतात.
घडणुकांचें वर्स आनी आंकडो
वर्स – घडणुको
२०१८ – १९
२०१९ – १४
२०२० – १४
२०२१ – २४
२०२२ – २७
२०२३ – १५
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
