भांगरभूंय | प्रतिनिधी
पणजी ः रेंव उसपुपाच्या प्रकरणांत न्यायालयान पुलिसांक उजरायले उपरांत पोरणें गोंय, दिवचल, आनी म्हाड्डोळ पुलीस निरीक्षकांच्यो बदल्यो केल्यात.
बदली आदेशा प्रमाण पणजे मुख्यमंत्री सुरक्षा खात्यांत काम करपी पुलीस निरिक्षक योगेश सावंत हांची पोरणें गोंय स्टेशनांत, निरिक्षक राघोबा कामत हांची बदली म्हाड्डोळा, रायबंदर गुन्यांव फांट्याचे निरिक्षक नारायण चिमुलकार हांची बदली मोपा विमानतळ स्टेशनांत, वाळपयचो निरिक्षक दिनेश गडेकार हांची बदली दिवचले, मोपा विमानतळ निरिक्षक निनाद देऊलकार हांची बदली रायबंदर गुन्यांव फांट्यांत, दिवचलचे निरिक्षक राहुल नायक हांची वाळपय, म्हाड्डोळाचे निरिक्षक सतीश गावडे हांची सतर्कताय खात्याच्या एसीबी विभागांत आनी पोरणें गोंयचे निरिक्षक सतीश पडवळकार हांची गुन्यांव फांट्यांत बदली केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
