भांगरभूंय | प्रतिनिधी
बाळ्ळी अपघाताच्या चवकशीचे आदेश
पणजी, प्रतिनिधी : बाळ्ळे आयज सकाळीं जाल्ल्या बालरथ बशीच्या अपघाताची चवकशी करपाचे आदेश दिल्यात, अशें मुख्यमंत्री डॉ. प्रमोद सावंत हांणी सांगला. बालरथ बशींच्या देखभाली खातीर सरकार शिक्षण संस्थांक अनुदान दिता. हाका लागून देखभाल करपाची जापसालदारी शिक्षण संस्थांची, अशें मुख्यमंत्र्यांनी सांगलें. बशींत ३४ विद्यार्थी आसले. १४ जखमी जाल्यात. तातूंतले २ गंभीर जखमी जाल्यात.
बालरथ बशीक अपघात जाल्ल्यान खवदळ निर्माण जालो. बशींतल्या 17 विद्यार्थ्यांक मडगाव जिल्हो हॉस्पिटलात उपचारा खातीर दाखल केले. हाचे पयकी दोगा जाणाक दुखापत जाल्या.
अपघाता उपरांत दक्षीण गोंय जिल्हो हॉस्पिटलात विरोधी पक्ष फुडारी युरी आलेमाव, गोवा फॉरवर्डाचे फुडारी, आदले मंत्री चंद्रकांत कवळेकार हांणी भेट दिवन विद्यार्थ्यांची विचारपूस केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
