भांगरभूंय | प्रतिनिधी
फोंडें, प्रतिनिधी : बोरयेच्या देवूळवाड्यार हालींच एके मोटारीन दुचाकेक धपको दिल्ल्यान अमीन अब्दुल रहमान दाखनी (२८, सिल्वानगर- फोंडे) हो दुचाकी चलोवपी जखमी जाल्लो. गाडयेचो चालक अवधूत गणेश नायक (४१, दाबोळी – शिरोडा) हांचे आड मंगळारा रातचो गुन्यांव नोंद केला. फोंडें पुलीस हे विशीं तपास करतात.
मेळिल्ले म्हायती प्रमाण, जीए-०५- बी- ४४८० क्रमांकाची गाडी मडगांवच्यान फोंडेंच्या दिकेन वताली. चालकान आपली गाडी अचकीत देऊळवाडो हांगा उजवे वटेन वळयतना मुखारच्यान येवपी जीए-०५-एन-६०६७ क्रमांकाचे दोन चाकीचो धपको बशिल्लो. हातूंत ती चलोवपी अमीन रस्त्यार कोसळून जखमी जाल्लो. जखमीक चड उपाचारां खातीर गोमेकोंत व्हेल्लो. आतां अब्दुल दाखनी हांणी अवधूत नायक हांचे आड फोडें पुलीस स्टेशनांत गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
