भांगरभूंय | प्रतिनिधी
मडगांव, प्रतिनिधी ः बेताळभाटींतल्या नागवाड्या वयल्या रोहीत नायक हांणे स्पीकराचो आवाज कमी कर अशें सांगिल्ल्यान दोग जाणांनी ताका बडयलो. त्या दोगूय दुबाविता आड कोलवा पुलिसांनी गुन्यांव नोंद केलां.
चड म्हायती प्रमाण, 4 नोव्हेंबराक रातीं पावणेबारां वरांचेर बेताळभाटींतल्या नागवाड्यार व्हडल्या आवाजात स्पीकराचेर संगीत लायल्ले. रोहित नायक हांणी स्पीकराचो आवाज कमी करपाची विनवणी केली, तेन्ना दुबावीत सॅम आनी ॲग्नेलो फाल्साव हांणी रोहिताक बडयलो. उपरांत रोहित हांची घरकान्न अँड्रिया लोपेस हिणें कोलवा पुलिशेंत कागाळ दाखल केली. पुलिसांनी दुबावितां आड गाळी दिवप आनी मारपेट करुन जखमी केल्ल्याचो गुन्यांव नोंद करून फुडली चवकशी सुरू केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
