भांगरभूंय | प्रतिनिधी
वास्को: दाबोळी विमानतळार मुंबय वचपा खातीर आयिल्ल्या बेल्जियम नागरिकाच्या सामानांत जीपीएस उपकरण सांपडिल्ल्यान ताचे आड गुन्यांव नोंद केला.
ब्रायस अँथनी (45) हो बेल्जियम प्रवाशी सोमारा 4 वेर दनपारां दाबोळी विमानतळार आयिल्लो. तो मुंबय वचपाचो आशिल्लो. ताच्या सामानाची नेमा प्रमाण तपासणी करीत आसतना सामानांत जीपीएस उपकरण सांपडलें.
कायद्या प्रमाण हें उपकरण व्हरपाक बंदी आसा वा उपकरण व्हरपा खातीर संबंदीत यंत्रणेची परवानगी जाय आसता. त्या प्रवाशा कडेन परवानगी नाशिल्ली. ताका लागून ताका थंयच्या केंद्रीय उद्देगीक सुरक्षा दळाच्या अधिकाऱ्यांनी ताब्यांत घेतला. उपरांत सगले सोपस्कार पुराय करतकूच दाबोळी विमानतळ पुलीस स्टेशनार रितसर कागाळ केले उपरांत तांचे सुवादीन केलो. ताचे आड इंडियन वायरलेस टेलेग्राफी कायदो आनी इंडियन टेलेग्राफ कायदो 1985 च्या 20 कलमा प्रमाण गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
