भांगरभूंय | प्रतिनिधी
पणजी ः दर वर्सां प्रमाण अंदूय राज्यांत अपघातांचो आंकडो वाडत आसा. फाटल्या णव दिसांत जाल्ल्या अपघातांत 8 जाणांक मरण आयलें. जाल्यार कांय जाण जखमी जाल्यात.
जानेवारी ते ऑक्टोबर 2023 ह्या धा म्हयन्यांत राज्यांत 2,368 अपघातांची नोंद जाल्या, तातूंत 235 जाणांक मरण आयलें. फाटल्या वर्सा 3011 अपघातांत 271 जाणांक मरण आयलें. नोव्हेंबर आनी डिसेंबर म्हयन्यांत देशी आनी परदेशी पर्यटक व्हड प्रमाणांत गोंय भोंवडेर येतात. देखून दर वर्सा अपघातांचोय आंकडो वाडत वता. देखून फाटल्या वर्साच्या तुळेंत अंदूं अपघात आनी मरणांचो आंकडो वाडपाची शक्यताय आसा.
फाटल्या वर्सा ऑक्टोबरांत 2,495 अपघात जाल्ले आनी तातूंत 217 जाणांक मरण आयलें. म्हणल्यार अंदूं ऑक्टोबरांत 2,369 अपघात जाले, तातूंत 235 जाणांक मरण आयलें. अंदूं सरासरी धा अपघातांत एका मनशाक मरण आयलें आनी तातूंतले 70.63 टक्के मरणां दुचाकी चलोवप्यांची जाली.
राज्यांत वाडत वचपी अपघात आडावपा खातीर राज्य सरकार यत्न करतात. येरादारी नेमांक पाळो न दिवपी लोकां आड येरादारी पुलीस कारवाय करतात. तशेंच सुदारीत मोटार वाहन कायद्या खाला तांकां दंडय घालतात. पूण तरी लेगीत येरादारी नेमाचें उल्लंघन करप चालूच आसा आनी वाडत्या अपघातांचे हे एक कारण जावन आसा.
पांच वर्सांत डिसेंबरांत जाल्ली अपघाती मरणां
वर्स | भिरांकूळ अपघात | वट्ट अपघात | मरण | गंभीर जखमी | किरकोळ जखमी |
2022 | 22 | 284 | 24 | 20 | 95 |
2021 | 29 | 340 | 32 | 25 | 71 |
2020 | 24 | 272 | 24 | 24 | 67 |
2019 | 26 | 351 | 26 | 25 | 142 |
2018 | 24 | 343 | 25 | 36 | 112 |
जानेवारी ते ऑक्टोबर 2023 मेरेन स्थिती
फाटल्या पांच वर्साची आंकडेवारी (ऑक्टोबर मेरेन)
वर्स | अपघात | मरण |
2019 | 3440 | 297 |
2020 | 2375 | 223 |
2021 | 2849 | 226 |
2022 | 3011 | 271 |
2023 | 2369 | 235 |
कितले अपघात प्रवण वाठार आसात?
अपघातांत मरण आयिल्ल्यांच्या कुटुंबाक मिळिल्ली अर्थीक मजत (ऑक्टोबर मेरेन)
वर्स | लावार्थी | रक्कम (लाखांत) |
2018-2019 | 23 | 45.50 |
2019-2020 | 22 | 44 |
2020-2021 | 45 | 90 |
2021-2022 | 34 | 68 |
2022-2023 | 32 | 64 |
2023-2024 | 50 | 98.10 |
वट्ट | 206 | 4.09 कोटी |
येरादारी नेमांचे उल्लंघन केल्ल्यान केल्ली कारवाय
उल्लंघन केल्ले नेम | कारवाय केल्ले चालक | दंडाची रक्कम (कोटींत) |
धोकादायक पार्किंग | 74,530 | 3.75 |
हेल्मेंट वापरुंक नाशिल्ले | 31,950 | 3.26 |
नो एन्ट्री | 53,561 | 2.74 |
काळ्या रंगाचे हारशे | 51,325 | 2.60 |
चुकीचो नंबर प्लेट | 33,243 | 1.67 |
वेगान गाडी चलोवप | 10,168 | 1.03 |
नो पार्किंग | 16,668 | 83.74 लाख |
सीट बेल्ट वापरुंक नाशिल्ले | 7,558 | 76.32 लाख |
गाडी चयतना मोबायल फोन वापरिल्ले | 4,316 | 49.69 लाख |
अनधिकृत जाग्यार पार्किंग | 9,187 | 45.97 लाख |
नेण्टे चालक | 12 | 85 हजार |
जिल्लो, अंतर्गत रस्ते ऑडिटा करपाचे नियोजन
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.