भांगरभूंय | प्रतिनिधी
मडगांव, प्रतिनिधी ः एके 17 वर्सां पिरायेचे चलयेचेर लिंगीक अत्याचार आनी तिका गुरवार करपाच्या प्रकरणांत मायणा कुडटरी पुलिसांनी 22 वर्सां पिरायेच्या तरणाट्याचेर गुन्यांव दाखल केलां.
मेळिल्ले म्हायती प्रमाण, दुबावितान 17 वर्सां पिरायेच्या चलये कडेन इश्टागत केल्ली. ते उपरांत दुबावितान पिडित चलयेक आपल्या घरा व्हरून तिचेर लिंगीक अत्याचार केलो. हे घडणुके उपरांत पिडित चलयेक भुरगें जालें. उपरांत पिडितेच्या आवय- बापायन 28 नोव्हेंबराक मायणा कुडटरी पुलीस स्टेशनांत हे संबंदी कागाळ केली. मायणा कुडटरी पुलिसांनी दुबाविता आड नेण्टे चलयेचें अपहरण करप, गोंय बाल कायदो (8) आनी बाल संरक्षण कायद्या खाला गुन्यांव नोंद केला. पुलीस निरिक्षक अरुण गांवस देसाय हांच्या फुडारपणा खाला उपनिरिक्षक प्रशांत भगत फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
