भांगरभूंय | प्रतिनिधी
मडगांव, प्रतिनिधी ः सेरावलीच्या डेंटल क्लिनिका लागसार काल रातीं 8 जावन 50 मिनटांनी जाल्ल्या स्कूटर अपघातांत गंभीर जखमी जाल्ल्या आंतानिओ मास्कारेन्हास (73, शिर्ली) हाका मरण आयलें. ह्या अपघातांत महम्मद खान (चिंबल) हाचे आड पुलिसांनी गुन्यांव नोंद.
दुबावीत महम्मद हो वेर्णा चर्चे कडल्यान जीए 07 जे 7398 क्रमांकाच्या दुचाकी वयल्यान मडगांवाचे वटेन वतालो. ताच्या स्कुटरीन सायकलीन वचपी आंतानियोक धपको दिलो. आंतोनियो गंभीर जखमी जालो. ताका उपचारा खातीर जीएमसीत दाखल केलो. पूण, उपचारा वेळार ताका मरण आयलें. हे संबंदी वेर्णा पुलिसांनी महम्मदा आड गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
