होंडा ‘पुनिस्का इंजेक्टेबल’ कंपनीच्या गुदांवाक उजो
भांगरभूंय | प्रतिनिधी
पणजी ः होंडा उद्देगीक वसणुकेंतल्या ‘पुनिस्का इंजेक्टेबल’ प्रा. लिमिटेड हे फार्मास्युटिकल कंपनीच्या गुदांवाक मध्यान रातीं सुमार 2 वरांचेर उजो लागलो. वाळपय आनी दिवचल उजो पालोवपी दळाच्या 8 बंब वापरून 6 वरां उपरांत सकाळीं साडेआठांक उजो पालयलो. हांतूत कंपनीचें लाखांनी रुपयांचें लुकसाण जालें. उजो कसो लागलो तांचे कारण अजून स्पश्ट जावंक ना.
ह्या गुदांवांत कॅमिक्सलाचे लिक्विड भरिल्ले बॉक्स आशिल्ले. ते भायर काडपाक जेसीबीचो वापर करचो पडलो. तशेंच आठ उजो पालोवपी बंब वापरचे पडले. सकाळीं व्हड यत्न करुन हो उजो नियंत्रणांत हाडलो. ह्या उज्यांत कंपनीचे कितलें लुकसाण जालां तो आंकडो अजून स्पश्ट जावंक ना. उजो लागपाचे खरें कारण कितें हाचोय तपास सुरु आसा.
वाळपय उजो पालोवपी दळाचे स्टेशन फायर संतोष गांवस हांच्या फुडारपणा खाला तांच्या हेर वांगड्यांच्या मजतीन हो उजो नियंत्रणांत हाडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
