भांगरभूंय | प्रतिनिधी
पणजी, बातमीदार : उसकयच्या फारुख उस्मान (२७) हाणें काल मंगळारा राती नव्या मांडवी पुला वयल्यान न्हंयेंत उडी मारली. तो सांपडूंक नाशिल्ल्यान उजो पालोवपी दळाचे जवान ताचो सोद घेतात.
हे विशीं चड म्हायती प्रमाण, फारुख आनी ताचो भाव काल रातच्या सुमार ११.४५ वरांचेर नव्या मांडवी पुला वयल्यान चलत वताले. तेन्ना अचकीत फारुखान पुला वयल्यान उडी मारली. उपरांत फारुख हाच्या भावान रोखडोच उजो पालोवपी दळ आनी पुलीस स्टेशनार फोन मारलो आनी हे घडणुकेची म्हायती दिली. ११.५९ मिनिटांनी उजो पालोवपी दळाक हो फोन आयले उपरांत ते रोखडेच घडणुके सुवातेर पावले. फारुखाचें चप्पल पुलाचेरूच आशिल्लें. जवानांनी थळाव्या नुस्तेंकारांच्यो बोटी वापरून फारुखाक सोदपाचो यत्न केलो. आजून ताचो सोद घेवप चालूच आसा.
पणजी उजो पालोवपी दळाचे अधिकारी रुपेश सावंत हांच्या मार्गदर्शना खाला हेर जवानांनी काल रातच्यान फारुखाक सोदपाचो बरोच यत्न केलो. पूण तो सांपडूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
