भांगरभूंय | प्रतिनिधी
मडकय, प्रतिनिधी: दुर्भाटची ग्रामसभा सरपंचा बगर शांतीकायेन जाली. सरपंच चंदन नायक हांणी पयलींच रजेर वतलों म्हणून सचीव आनी हेर पंच वांगड्यांक कळयल्लें. उपसरपंच शिवदास गावडे हांणी ग्रामसभा सांबाळ्ळी.
ग्रामस्थांनी विचारिल्ल्या प्रस्नांक शिवदास गावडे, आदली सरपंच आनी आतांची पंच क्षिप्रा आडपयकार, गौरेश नायक, अमृता नायक आनी दीपा नायक हांणी योग्य त्यो जापो दिल्यो.
ह्या वेळार प्रधानमंत्री नरेंद्र मोदी हांणी सुरू केल्ली विश्वकर्मा येवजणेचेर चर्चा जाली.
ग्रामस्थ अतुल मुळे हांणी पंचांक धारेर छरपाचो यत्न केलो. पूण पंचांनी तांकां हांसत हांसत जापो दिल्यो. आदले पंच मशाल आडपयकार आनी गोविंद नायक हांणी खुबश्यो सुचवण्यो केल्यो. शशी नायक, गौतम मुळे, संदेश नायक, दिपक मुळे, विठोबा नायक, प्रथमेश नायक, गजानन च्यारी, संजय नायक आनी हेरांनी चर्चेंत वांटो घेतलो. सुरवातेक शिवदास गावडे हांणी सगळ्यांक येवकार दिलो. सचीव सर्वेश नायक हांणी अहवाल सादर केलो. पंच कृष्णा उर्फ बाबू नायक आनी सरपंच चंदन नायक ह्या वेळार हाजीर आशिल्ले.
खुशबू कामत हेळेकार हांणी निरीक्षण केलें. निमाणें पंच अमृता नायक हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
