भांगरभूंय | प्रतिनिधी
पणजी, बातमीदार : विठ्ठलापूर- साखळेच्या श्री विठ्ठल रखुमाई सरकारी मुळावे शाळेचे एक शिक्षिकेन तिसरेंत शिकपी विद्यार्थ्याक बडयलो. हे संबंदीची कागाळ दिवचल पुलीस स्टेशनार नोंद जाल्या. झरीवाडा, पोडोशें- सत्तरीची विश्रांती गांवकार हिणें तिच्या पुताक थापट मारिल्ल्याची कागाळ दिवचल पुलीस स्टेशनाचेर केल्या. पुलिसांनी हे शिक्षीके आड गुन्यांव नोंद केला.
शेनवार २५ नोव्हेंबराक एके शिक्षिकेन आपल्या विद्यार्थ्याक थापट मारलें अशें गांवकार हांणी कागाळेंत म्हणलां. हे कागाळीच्या आदारान पुलिसांनी भा.दं.वि.सं च्या ३२३ आनी गोंय चिल्ड्रन्स ऍक्टच्या कलम ८(२) खाला गुन्यांव दाखल केला. उपनिरीक्षक विकेश हडफडकार फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
