पेन्शनधारकांक म्हत्वाची कळोवणी….

भांगरभूंय | प्रतिनिधी

जिवीत प्रमाणपत्र (Life Certificate) सादर करपाची मुजत लागीं पावल्या. नोव्हेंबर म्हयनो सगळ्या पेन्शनरां खातीर खूब म्हत्वाचो.
सगल्या पेन्शन धारकांनी ह्या म्हयन्यांत आपल्या अस्तित्वाचो पुरावो दिवचो पडटलो. नेमा प्रमाण ज्येश्ठ नागरिकांक म्हळ्यार ८० वर्सां वयर आशिल्ल्या ज्येश्ठ नागरिकांक १ ऑक्टोबर ते ३० नोव्हेंबर २०२३ ह्या काळांत जिवीत प्रमाणपत्र सादर करपाची सुविधा मेळटा. त्याच वेळार ६० वर्सां वयर पिरायेच्या लोकांनी १ नोव्हेंबर ते ३० नोव्हेंबर २०२३ ह्या काळांत हें काम पुराय करचें पडटलें. नागरिकांनी हें काम पुराय करूंक ना जाल्यार तुमचें पेन्शन बंद करपाक शकता.

कशें सादर करप

जिवीत प्रमाणपत्र सादर करपाची मुजत लागीं पावल्या. निवृत्तीवेतन धारकांनी अजून जिवीत प्रमाणपत्र सादर करूंक ना जाल्यार बेगीनांत बेगीन तें करचें. नाजाल्यार फुडें तुमकां व्हड समस्या येवंक शकतात. तुमचें जिवीत प्रमाणपत्र सादर करपाक तुमी ऑनलायन आनी ऑफलायन अशे दोनूय साधन वापरूं येतात. ऑफलायन, टपाल खात्या वा बँक सारक्या पेन्शन जारी करपी संस्थेंत वचून जिवीत प्रमाणपत्र सादर करूं येता. हाचे भायर तुमी तुमचें जीवन प्रमाणपत्र कसलोच त्रास करिनासतना सहजतायेन डोर स्टेप बँकिंग, निवृत्तीवेतनधारक कल्याण विभाग (डीओपीपीडब्ल्यू) फेस ऑथेंटिकेशन, उमांग ऍप, पोस्टमन ऑफ इंडिया पोस्ट पेमेंट बँक (आयपीपीबी) आनी जीवन प्रमन पोर्टला वरवीं सादर करूंक शकतात.

जिवीत प्रमाणपत्र म्हणल्यार कितें?

केंद्र वा राज्य सरकाराच्या सगळ्या निवृत्तीवेतनधारकांक वर्साक एक फावट आयुश्य प्रमाणपत्र सादर करचें पडटा. ह्या प्रमाणपत्राचेर निवृत्तीवेतनधारक जिवो आसा काय ना तें दाखयतात. तुमी हें प्रमाणपत्र सादर करूंक ना जाल्यार पेन्शन जारी करपी संस्था अशा पेन्शन धारकांचें पेन्शन बंद करतली.

पेन्शन बंद जातकच कितें जाता?

नेमा प्रमाण नोव्हेंबरांत कोणेंय आपलें जिवीत प्रमाणपत्र सादर करूंक ना जाल्यार त्या मनशाक डिसेंबर २०२३ सावन पेन्शन मेळप बंद जातलें. मागीर जिवीत प्रमाणपत्र सादर केल्या उपरांतच पेन्शन मेळटलें. डिसेंबराच्या बदलाक जानेवारींत जिवीत प्रमाणपत्र सादर केल्यार पोरन्या म्हयन्याची पेन्शन थकबाकी मेळटली. अशा वेळार तुमकां तुमची पेन्शन मेळोवपाची आसल्यार नोव्हेंबराची मुजत जावचे पयलीं हें करचें पडटलें.