भांगरभूंय | प्रतिनिधी
पणजी : तांत्रिक शिक्षण, कुशळटाय प्रशिक्षण तशेंच तरेकवार उपक्रमांक लागून देशांतलें सर्वोत्कृश्ट स्टार्ट अप हब जावपाचे दिकेन गोंयची वाटचाल सुरू आसा, अशे मुख्यमंत्री डॉ. प्रमोद सावंत हांणी सांगलें. बिटस पिलानी संस्थेत जीआयएसटी -23 कार्यावळींत ते उलयताले. हे वेळार उद्देजक नितीन कुंकळयेंकार तशेच हेर हाजिर आशिल्ले.
मोपा तशेच दाबोळी विमानतळ, मुरगाव बंदर, कोंकण रेल्वे हाका लागून लॉजिस्टिक्स सुविधा गोयांत उपलब्ध आसा. तशेच बिट्स पिलानी, आयआयटी, एनआयटी सारख्यो शिक्षण संस्था आसात. गोंयान स्टार्ट अप धोरण तयार करून स्टार्ट अप खातीर अर्थीक मजत दिवपी येवजण्यो सुरू केल्यात. तरणाट्या उद्येजकांक स्टार्टअप सुरू करपा खातीर गोयांत इको सिस्टम तयार जाल्या. हाचो लाव गोंय तशेंच गोंयां भायल्या उद्येजकानी घेवन राज्यात गुंतवणूक करची. गोंयांत उद्येजकाक गुंतवणुकी खातीर येवकार आसा.
भलायकी, शेती, शिक्षण हे मळार तंत्रज्ञानाचो वापर मोठ्या प्रमाणात सुरू आसा. हातुंतल्यान रोजगार तयार जावपा सयत उद्देग सुरू करपाची संद तयार जाता, अशे मुख्यमंत्री सावंत हांणी सांगले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
