मुंबय ते अहमदाबाद बुलेट ट्रेन
भांगरभूंय | प्रतिनिधी
- प्रकल्पाचो पयलो पांवडो पूर्ण. गुजरातांत ४० टक्के, तर महाराष्ट्रांत १५ टक्के काम पूर्ण.
- १०० किलोमिटर पुल बांदलो. २०२६ वर्सा रेल्वे जातली सुरू.
- १२ स्टेशनां, अंतर ५०८ किलोमिटर (गुजरात ३५३ किमी, महाराष्ट्र १५६ किमी.)
- बजेट १.०८ लाख कोटी रु. प्रत्येक किलोमिटराक २१२.४४ कोटी रु. खर्च.
- ट्रेनीचो वेग चडांत चड वराक ३५० किमी आसतलो. सामान्य ट्रेनीन हांगा येवपाक ७ वरां लागतात. बुलेट ट्रेनीन ३ वरां लागतलीं (सरासरी वेग वराक १७० किमी)
- १२ स्टेशनांचेर रावतली. फक्त मुंबय, अहमदाबाद, सुरत आनी वडोदरा ह्या चारूच स्टेशनांचेर रावली जाल्यार दोन वरांत प्रवास पूर्ण जातलो. (सरासरी वेग वराक २५४ किमी)
- मुंबयतलो ७ किमी मार्ग दर्या पोंदच्यान आसा. बोगद्यांतल्यान २५ किमी मार्ग वतलो. ह्या मार्गाचेर १७३ व्हडले आनी २०१ ल्हान पूल बांदतात.
- १० डब्यांच्यो २४ बुलेट ट्रेनी धांवतल्यो. त्यो सद्दां ७० फेरयो मारतल्यो. प्रत्येक ट्रेनींत ७५० लोक बसतले. मागीर १२०० लोकां खातीर १६ डबे आसतले. २०५० मेरेन १०५ गाडयो आनी ९२,००० प्रवाशांचें लक्ष्य दवरलां.
- बुलेट ट्रेनीक ५०८ किमी प्रवासाक २ वरां ७ मिनटां लागतलीं. विमानाक ३ वरां १५ मिनटां लागतात. (दोन वरां चेक इन करपाचीं), सादी रेल्वे – साडेस वरां, कार- साडेणव वरां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
