भांगरभूंय | प्रतिनिधी
नवी दिल्ली, खबरां संस्था : स्टाफ सिलेक्शन कमिशन बेगीनूच जनरल ड्युटी कॉन्स्टेबला खातीर ऑनलायन नोंदणी प्रक्रिया सुरू करतले. हे भरती मोहिमे खाला कॉन्स्टेबलाच्या ७५७६८ पदांचेर भरती करतले. इत्सूक आनी पात्र उमेदवारांची नोंदणी सुरू जाल्या उपरांत ssc.nic.in हे वेबसाटीचेर तुमी अर्ज करपाक शकतात.
ह्या दिसा नोंदणी सुरू
वेळापत्रका प्रमाण स्टाफ सिलेक्शन कमिशन जनरल ड्युटी कॉन्स्टेबल भरती खातीर नोंदणी २४ नोव्हेंबर सावन सुरू जातली आनी २८ डिसेंबर २०२४ दिसा सोंपतली. बॉर्डर सिक्युरिटी फोर्स, सेंट्रल इंडस्ट्रियल सिक्युरिटी फोर्स, सेंट्रल रिझर्व्ह पुलीस फोर्स , इंडो-तिबेट बॉर्डर पुलीस, सशस्त्र शीम बल, सचिवालय अश्या विवीध सेक्टरांनी शॉर्टलिस्ट केल्ले उमेदवार नियुक्त करतले.
अशी आसतली निवड प्रक्रिया
निवड प्रक्रियेंत संगणक आधारीत चांचणी (कम्प्युटर बेस्ड टेस्ट), शरिरीक चाचणी (फिजिकल टेस्ट), शरिरीक मानक चाचणी (फिजिकल स्टँडर्ड टेस्ट), वैजकी चाचणी आनी दस्तावेजाचो आसपाव आसा.
असो आसतलो पेपर पॅटर्न
सीबीटींत दरेकी दोन गुणांचे ८० प्रस्न आसतले. दरेकी चुकीचे जापे खातीर ०.५० गूण जोडटले. पेपराचे ४ भाग करते- सामान्य बुद्धिमत्ता आनी तर्कशक्ती, सामान्य न्यान आनी जागरूकताय, मुळावें गणीत आनी इंग्लीश वा हिंदी. दरेका विभागांत २० प्रस्न आसतले. ही परीक्षा फक्त इंग्लीश आनी हिंदी भाशेंत घेतले.
अशे अर्ज करात
१.ssc.nic.in वेबसायटीक भेट दियात.
२. मुख्यपश्ठा वयल्या नोंदणी पर्यायाचेर क्लिक करात.
३. नांव, ईमेल आयडी, संपर्क आनी हेर गजाली भरून नोंदणी फॉर्म पुराय करात.
४. व्युत्पन्न क्रेडेन्शियल्सचे मजतीन लॉगईन करात.
५.अर्ज भरात.
६. गरजेचीं कागदपत्रां अपलोड करात आनी फी भरात.
७. कन्फर्मेशन पेज डावनलोड करात आनी प्रिंटआवट घेयात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
