भांगरभूंय | प्रतिनिधी
म्हापशें, प्रतिनिधी: कळंगुटे पुलिसांनी परबवाड्यार छापो घालून ८० हजारांचो गांजो जप्त केलो. दीपेंद्र सिंह (२३ रा. नायका वाडो, कळंगूटे, मूळ मध्य प्रदेश) ह्या दुबाविताक पुलिसांनी अटक केल्या. कळंगूट पुलीस उपनिरीक्षक अक्षय पार्सेकार, कॉन्स्टेबल मनोज नायक, विजय नायक, अमीर गरड, प्रणय गांवस आनी गौरीश कार्बोटकार हांणी हो छापो घालो.
कळंगूटे पुलिसांक एक व्यक्ती गिरायकाक घुंवळे वखदां दिवपाक येवपाचो आशिल्ल्याची म्हायती मेळ्ळी. ते प्रमाण पंचाचे हाजेरींत वयर नांवां दिल्ल्या पुलिसांच्या पंगडान छापो घालून सिंह हाका धरून गांजो जप्त केलो.
पुलीस निरीक्षक परेश नायक हांच्या मार्गदर्शना खाला उपनिरीक्षक प्रगती मळीक हांणी घुवळे वखदां प्रतिबंधक कायद्या खाला दुबावीता आड गुन्यांव नोंद करून ताका अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
