भांगरभूंय | प्रतिनिधी
दहशत निर्माण करपा खातीरूच आमदारांक समन्स : आमदारान लायली पुलीस स्टेशनांत हाजेरी
पणजी : जनतेक भियेल्ले खातीरूच अधिवेशन तहकूब केलें. आतां नगरपालिका वेंचणुकोय लांबायेर व्हेल्यात. जनते मदीं भंय आनी दहशत निर्माण करपा खातीरूच आमदारांक चवकशेक आपयता, असो आरोप आमदार ऍड. कार्लुस फेरेरा हांणी केला. नगरनियोजन मंत्री विश्वजीत राणे हांच्या बंगल्यार काडिल्ल्या मोर्चा प्रकरणांत समन्स जारी जाले उपरांत कार्लुस फेरेरा हांणी पणजी पुलीस स्टेशनांत हाजेरी लायली.
शेळ – मेळावली हांगा आयआयटी आड जें आंदोलन जालें, तेन्नाय आंदोलकां आड गुन्यांव नोंद जाल्लो. हो गुन्यांव (एफआयआर) उच्च न्यायालयान रद्द केलो. नगरनियोजन मंत्री विश्वजीत राणे हांच्या बंगल्यार व्हेल्ल्या मोर्चा प्रकरणांत जो गुन्यांव नोंद जाा तोय रद्द जातलो. ह्या गुन्यांवा विशीं कसलोच पुरावो ना. मोर्चा शांतिकायेन काडलो. कोणाच्याच हातांत दांडे वा कसलेंच शस्त्र नाशिल्लें. कितेंच वायट गजाल घडूंक ना. हाका लागून गुन्यांव रद्द जातलो, असो विस्वास तांणी उक्तायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
