गोरवांचो पाडवो उमेदीन…
भांगरभूंय | प्रतिनिधी
पणजी, प्रतिनिधी ः दिवाळी ही उजवाडाची परब. दिवाळी म्हणले की तांतूत नरकासुर, पांडवो, लक्ष्मी पूजन, भावबीज हे सण आयलेच. आनी निमाणे तुळशीचें लग्न, जाका आमी व्हडली दिवाळी अशें म्हणटात. हे १५ ते २० दीस सगळ्यांचे घर पणट्यांनी आनी रंगीत लायटींनी चकचकता. दिवाळे उपरांत पाडवो करतात. हाका ‘गोरवांचो पाडवो’ अशेंय म्हणटात. पयलींच्या तेंपार जायत्या वाठारांनी ही परंपरा दिसताली. हालींसराक कांय गांवगिऱ्या वाठारांनीच हे आमकां पळोवपाक मेळटा. डेरी फार्मांनीय ती करतात. कुडणेंच्या फार्मांत मुख्यमंत्री प्रमोद सावंत हांणी आयज गोमाता पूजा केली.
सकाळी गोरवांक न्हाणयतात. पिंजर लावन तांची पुजा करता. रोजांची माळ गळ्यांत बांदतात. तांकां गोडधोड खावपाक दितात. दुसरें म्हळ्यार दारांतले तुळशी मुखार शेण सारयतात. रांगोळी घालतात. मागीर शेणाचो गोठो तयार करतात. तो काट्टा, फुलांनी सजयतात. ताच्या सरभोंवतणी रांगोळी काडतात.
वेऱ्यां सोनरभाटांत सावंत कुटुंबानूय पारंपरीक पद्दतीन हो पाडवो मनयलो. ताचीं हीं कांय खीणचित्रां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
