भांगरभूंय | प्रतिनिधी
उपराष्ट्रपती धनकर फांल्या गोंयांत
पणजी, प्रतिनिधी : राष्ट्रीय खेळां सर्तीचो फाल्यां दनपरां समारोप जातलो. ताळगांवां डॉ. श्यामाप्रसाद मुखर्जी स्टेडियमाचेर अडेज वरांचेर समारोपाची कार्यावळ सुरू जातली.
खेळा मंत्री गोविंद गावडे हांणी आयज ही म्हायती दिली. उपराष्ट्रपती धनकर हे सांजे 4 वरांचेर डॉ. मुखर्जी स्टेडियमाचेर पावतले. सोनिया शिरसाट हांची संगीताची कार्यावळ जातली. स्वरूप खान आनी तांच्या पंगडाची सांस्कृतीक कार्यावळ जातली. सांजे 5.30 मेरेन समारोपाची कार्यावळ सोंपतली, अशें श्री. गावडे हांणी सांगलें.
पावसाक लागून कांय प्रमाणात गैरसोय जाल्या तरी स्थिती नियंत्रणांत आसा. उदक काडून सर्तीच्यो मॅची आयोजित केले बद्दल खेळगड्यांनी समाधान उक्तायलां. कांय गजाली सरकारच्या हातांत आसनात. खेळां सर्त आतां पुराय जाल्या. पावस आयलो तरी सायकल सर्तीचेर चड परिणाम जावचो ना, अशेंय श्री. गावडे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
