भांगरभूंय | प्रतिनिधी
मनिला, खबरां संस्था: खंयचोय देश आसलो तरी पत्रकारांचेर हल्ले जावपाचें थांबना. फिलिपायन्साक अशीच भिरांकूळ घडणूक घडली. एका अनवळखी हल्लेखोरान ५९ पिरायेच्या रेडियो ब्रॉडकास्टर जुआन जुमालोन हांची मिंडानाओ हांगाच्या तांच्या घरांतल्या स्टुडियोंत घुसून सरळ तांचे तकलेर गुळी मारली. जुमालोन हांणी हत्त्येच्या ५ मिनटां पयलीं एके म्हत्वाचे घडणुकेच्या तपशिलाचेर घोशणा केल्ली. ते घडणुके विशीं उलोवपाची सुरवात करचे पयलीं हल्लेखोर भितर आयिल्लो. उलोवपा खातीर ’ऑन-एयर’ वतांच हल्लेखोरांनी सरळ दोन गुळयो घाल्यो. तांच्या गळ्यांतली भांगराची सरपळी काडली आनी थंयच्यान पळ काडलो.
मजगतीं, हो खून कित्याक केला हे विशीं प्रेसिडेंशीयल टास्क फोर्स तपास करतात. फिलिपायन्सचे राष्ट्रपती फर्दिंनांद मार्कोस हांणी पत्रकाराचो खून करप्याक खर ख्यास्त भोगची पडटली अशें म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
