भांगरभूंय | प्रतिनिधी
पणजी : म्हादय अभयारण्य वाठार वाग वाठार म्हणून घोशीत करपा खातीर मुजत वाड मागपा विशीं राज्य सरकारान सादर केल्लो अर्ज आनी हे विशीं गोंय फावंडेशनान दाखल केलेल्या अवमान याचिकेचेर मुंबय उच्च न्यायालयाच्या गोंय खंडपीठांतली सुनावणी ११ डिसेंबर मेरेन फुडें धुकल्ल्या. कारण ह्याच विशयाचेर सर्वोच्च न्यायालयांत एक याचिका दाखल जाल्ल्यान ताचेर १० नोव्हेंबराक सुनावणी आसा.
म्हादय अभयारण्य आनी आशिकुशीचो वाठार ‘वाग वाठार’ म्हणून अधिसुचीत करचो. ताका लागून गोवा फावंडेशनान खंडपीठांत याचिका दाखल केल्ली. हे विशीं २४ जुलयाक खंडपीठान राज्य सरकाराक फुडले तीन म्हयने म्हादय अभयारण्य आनी सरभोंवतणचो वाठार ‘वाग वाठार’ म्हणून अधिसुचीत करपाचो आदेश जारी केल्लो. तशेंच वागांचे सुरक्षितताये खातीर आराखडो तयार करचो. तो निश्चीत काळांत केंद्रीय वाग संरक्षण प्राधिकरणाक मंजुरी खातीर धाडचो. उपरांत प्राधिकरणानूय बेगीनूच ताका मान्यताय दिवची अशे निर्देशून खंडपीठान दिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
